Wafugaji
Wilayani Hai Mkoani Kilimanjaro wametakiwa kushiriki katika zoezi la kupiga
chapa mifugo yao ili iweze kutambulika kirahisi na kuepuka wizi wa mifugo ulio
kuwa ukifanywa hapo awali ikiwa ni pamoja na kutambua mifugo ilipo toka
kirahisi.
Rai hiyo
imetolewa na afisa mifugo wilaya ya Hai Eliya Machange alipo kuwa akizungumzia
umuhimu wa zoezi hilo la kuweka chapa kwa mifugo katika mkutano wa kijiji cha
Mtakuja kata ya Kia.
Machange
amesema kuwa katika sensa ya mifugo iliyo pita katika kijiji hicho kimoja cha
Mtakuja kata ya Kia kulikuwa na Ng’ombe takribani 9,742 ambao watatakiwa
kupigwa chapa.
Amesema
zoezi hilo lita fanyika kwa Nchi nzima kwa lengo la kutambua mifugo hiyo
inatoka wilaya gani hivyo wafugaji wanatakiwa kuondoa wasiwasi juu ya zoezi
hilo muhimu.
“Hili zoezi
ni muhimu sana na kila mfugaji anatakiwa kushiriki ili kutambua mifugo yake,na
zoezi hili haliwezi kuathiri biashara ya kuuza mifugo wala shughuli ya kuchunga
mifugo hiyo.Kule Kenya mifugo yao imepigwa chapa na inatambulika
kiurahisi,itafika siku minada yote itazuia kupokea mifugo isiyo kuwa na chapa ”alisema
Machange.
Machange
amesema kuwa kwa wale wafugaji walio peleka mifugo yao malisho ya mbali
watatakiwa kurudisha mifugo hiyo kwajili ya zoezi la kupigwa chapa ambapo kwa
kila ng’ombe mmoja ita gharimu shilingi miatano.
Amesema kuwa
serikali inataka kuondoa tatizo la mifugo kudhurura maeneo mbalimbali ya nchi
na nchi jirani ili kusaidia kutambua mifugo hiyo na kuirudisha maeneo husika
ili kuepuka mifugo ya wafugaji kutaifishwa kizembe.