 |
| Mganga Mkuu wa Mkoa wa Kilimanjaro Dr .Best Magoma,aliye simama akielezea dhumuni la semina hiyo,wilayani Hai Mkoani Kilimanjaro. |
 |
| Mkuu wa Wilaya ya Hai Mkoani Kilimanjaro Gelasius Byakanwa (Kushoto) Akimsikiliza Mkuu wa Mkoa wa Kilimanjaro Said Meck Sadick katika semina hiyo. |
 |
| Wauguzi wakuu wa hospitali za halmashauri za wilaya saba toka Mkoani Kilimanjaro wakifuatilia semina hiyo. |
Hai-Kilimanjaro
WAUGUZI wa kuu wa hosipitali za wilaya Mkoani
Kilimanjaro wamekutana Wilayani Hai kwa lengo la kujadili na kupambana na vifo
vya mama na mtoto ili kuweza kuvitokomeza ndani ya wilaya zote mkoani Kilimanjaro.
Akizungumza
katika semina hiyo Mganga mkuu wa Mkoa wa Kilimanjaro DR Best Magoma amesema
kuwa bado mapambano yanahitajika kutokomeza
vifo vya mama na mtoto wakati na kabla ya kujifungua ilikuweza kuwa na
watoto na akina mama waliohudumiwa vizuri kiafya na kuepukana na vifo hivyo.
Amesema kuwa
katika utafiti uliofanywa wa kubaini vifo vya mama na mtoto Mkoani Kilimanjaro
kwa kipindi cha miaka mitatu kuanzia 2014-2016 inaonyesha kuwa tatizo bado ni
kubwa kwani 2014 kulikuwa na vifo 41 vilivyotokana na uzazi,2015 vifoo 56 na
mwaka 2016 kulikuwa na vifo 47.
Magoma
ameongeza kuwa kwa upande wa vifoo vya watoto wachanga 2014 vilikuwa 683 mwaka 2015 vilikuwa
604 na mwaka 2016 vikaongezeka na
kufikia 631,jambo ambalo linahitaji ufumbuzi wa haraka ili kunusuru maisha ya
mama na mtoto.
Ameongeza
kuwa licha ya huduma kuwa nzuri ya
upatikanaji wa vifaa tiba na wataalamu wa afya bado tatizo hilo halija weza
kutatulika na kumalizika kwa sababu mbalimbali hasa zinazo patikana ndani ya
jamii,ikiwemo wajawazito kuchelewa kufika hosipitalini kwa wakati pamoja na
baadhi kujifungulia nyumbani na inaposhindikana kukimbizwa hosipitali kwa
kuchelewa.
Kwa upande
wake Mkuu wa Mkoa wa Kilimanjaro Said Meck Sadick amepongeza kuwepo kwa semia
hiyo itakayo wawezesha kujadili masuala hayo kwa kina na muhafaka kuweza
kupatikana ili kuondoa tatizo hilo la vifo vya mama na mtoto.
Amesema kuwa
mbali na changamoto zinazo jitokeza katika kutoa huduma hizo,bado serikali
inahakikisha kuwa vituo vya afya na hosipitali zina kuwa na wataalamu wa afya
wa kutosha ikiwa ni pamoja na vifaa tiba vinavyo weza kunusuru maisha ya mama
mjamzito.
“Nipende
kuwa kumbusha na kuwaonya wajawazito kuacha kunywa pombe za kienyeji na kusahau
kula vyakula vyenye kumjenga kiafya kwani baadhi ya wanywaji wapombe hizo
pasipo kula wamekuwa wakipata utapia mlo na kuwafanya kushindwa kujifungua
salama”
Alisema Sadick.
Alisema Sadick.
Semina hiyo
itakayo dumu kwa siku tatu imehudhuriwa na wadau mbalimbali wa masula ya afya
ya mama na mtoto, inalenga kuangalia njia za kutokomeza vifo vitokanavyo na
kujifungua kwa akina pamoja na watoto ili kufanya mkoa wa Kilimanjaro
kuondokana na idadi ya vifo hivyo.