Mkuu wa Wilaya ya Hai Gelasius Byakanwa akimsisitiza Diwani wa Kata ya Hai Mjini Joel Nkya(kushoto) kuhamasisha ujenzi wa vyumba vya madarasa kumalizika kwa miezi miwili,kushoto ni Mwenyekiti wa Halmashauri ya Wilaya ya Hai Helga Mchomvu.
Hai-Kilimanjaro.
WANANCHI na wadau wa elimu Wilayani Hai Mkoani
Kilimanjaro,wametakiwa kujitolea katika kuandaa mazingira mazuri ya wanafunzi
kupata elimu bora ili kuweza kuinua kiwango cha elimu.
Rai hiyo
imetolewa leo na Mkuu wa Wilaya ya Hai Gelasius Byakanwa wakati akikabidhi
mabati 54, yaliyo ahidiwa kutolewa na Mkuu wa Mkoa wa Kilimanjaro Said Meck
Sadick katika ujenzi wa chumba kimoja kati ya
vitatu vya madarasa katika Shule ya Msingi Geza ulole.
Amesema kuwa
mbali na Mkuu wa Mkoa kutimiza ahadi hiyo
wapo wadau mbalimbali wamejitokeza kuunga mkono ujenzi wa vyumba vya madarasa ,ambapo
wameguswa kufanya hivyo ili kuinua
kiwango cha ubora wa ufaulu na ufundishaji shuleni.
Katika
kuunga mkono jitihada hizo Byakanwa ametimiza ahadi yake ya kuchangia mbao za
kuezeka vyumba viwili vya madarasa kama alivyo ahidi katika shule hiyo,huku
utaratibu mwingine ukilendelea katika shule zninazo lengwa kuongezewa vyumba na
ukarabati wa madarasa.
“Niseme kuwa
wananchi nao wanahitajika kuchangia shughuli hii,hivyo baadhi ya mambo mengine
wanapaswa kushirikishwa na wao washiriki kikamilifu,nisinge penda kuona wala
kusikia wananchi wanakwepa na kuwaachia kazi hii wadau na wafadhili”alisema
Byakanwa.
Naye
Mwenyekiti wa Halimashauri ya Wilaya hiyo Helga Mchomvu amepongeza na kuunga
mkono utendaji kazi wa Mkuu wa wilaya hiyo.
“Nishukuru
kwa kila jitihada nzuri zinazo fanywa za kuchochea maendeleo katika Wilaya yetu
haswa kwa chahu hii inayo toka kwa Mkuu wetu wa Wilaya,tuahidi kuunga mkono
jitihada hizi ili kuweza kuwapatia watoto wetu elimu iliyo bora”alisema
Mchomvu.
Kwa upande
wake Mwenyekiti wa Mtaa wa Geza ulole Simon Nyampanda amepongeza jitihada
mbalimbali zinazo fanywa na Mkuu wa wilaya hiyo
katika kuboresha elimu pamoja na kuhamasisha shughuli za kimaendeleo
pasipo kujali itikadi za vyama.
Aidha Mkuu
huyo wa Wilaya kwa kushirikiana na wadau mbalimbali wameweza kukabidhi mabati
38 katika shule ya Msingi Hai pamoja na papi za kuezeka baadhi ya vyumba vya
madarasa katika shule ya Msingi Uhuru.
Katika hatua
hiyo, shule hizo zimepewa muda wa miezi miwili kukamilisha ujenzi wa vyumba
hivyo vya madarasa ili wanafunzi waweze kuvitumia na kupunguza msongamano wa
wanafunzi kwa baadhi ya madarasa.
| 
